Cada ano 7.000 persoas son diagnosticadas de cancro de páncreas en España. Este tumor é a terceira causa de morte por cancro en España, malia ser o 8º tumor en frecuencia. Prevese que dentro de dúas décadas será a 2ª causa de morte por cancro no mundo. A supervivencia por esta enfermidade non mellorou significativamente nas últimas décadas, xa que é un tumor agresivo, que se diagnostica con frecuencia de forma tardía e que é pouco sensible á quimioterapia e radioterapia. Por iso é considerado un dos tumores máis agresivos no ser humano. Trátase dun problema importante para a sociedade, e só a investigación científica pode axudar a solucionalo. Estanse a facer progresos para lograr un diagnóstico máis temperán deste tumor co inicio de programas de cribado de cancro de páncreas en grupos de alto risco, así como ensaios clínicos para mellorar o estado nutricional destes doentes, que favoreza a tolerancia ao tratamento por parte do Servizo de Aparato Dixestivo do CHUS. Sen embargo, segue a ser necesaria unha maior inversión económica en investigación científica, que nos permita aumentar a taxa de supervivencia e curación. Actualmente en España, as únicas axudas para a investigación específica contra o cancro de páncreas son a beca Carmen Delgado - Miguel Pérez Mateo de AESPANC - ACAPAN. O obxectivo principal desta iniciativa é a recadación de fondos económicos que nos permitan unha maior e mellor investigación neste tipo de cancro.

Analizade o Percorrido da Carreira e, se podedes, aproveitade os días que restan para adestrar pola zona. Como veredes, o gráfico da Altimetría é bastente regular.

Lembrade que o trazado será de 10 kilómetros e estará homologado pola Real Federación Española de Atletismo, coa garantía de que a medición do circuíto é completamente fiable. Deste xeito a tua marca será válida para competicións oficiais.

Inscríbete